ObiOne.io Beta

भीमा गाढवाला काही केल्या पहाटे जाग येत नसे. त्याच्या मदतीला आली त्याची एक चिंटुकली मैत्रीण. भीमा पहाटे लवकर कसा उठायला लागला?

एक लहान मुलगा सकाळी उठून पाहतो तर काय?…

कधीतरी मूल स्वत:शीच बोलते आणि मग त्यातून एक छोटासा प्रसंग डोळ्यासमोर उभा राहतो. ’माझी बॅट हरवली, माझी बॅट सापडली’ यामध्ये अशाच एका प्रसंगाचे वर्णन आहे.

विक्रम आजारी पडतो तेंव्हा यमदूत त्याला न्यायला येतो. विक्रमची जिवलग मित्रमंडळी मात्र त्याविरोधात अतिशय ठाम आहेत. हे भन्नाट विनोदी नाटुकले मुलांना करायला आणि प्रेक्षकांना बघायला खूप आवडेल.

तीन मित्र आणि तीन हुशार मासे यांची मजेदार गोष्ट.

पक्षी आणि प्राण्यांनी शेतात घुसू नये म्हणून त्यांना घाबरवण्यासाठी शेतात बुजगावणी उभारतात. पण छोट्या गौरीला मात्र काही वेगळंच वाटतं!

गोमेला शेकडो पाय असतात. एकदा त्यातला एक पाय मोडला. पण कितवा पाय मोडला हेच कळेना. मग तिला कोण आणि कशी मदत करणार?… साहित्य अकादमी पुरस्कार विजेत्या लेखिकेचं हे मनोरम चित्रपुस्तक.

कल्लू आणि त्याच्या मित्रांच्या टोळक्याचे रोज काहीतरी नवे गमतीदार उद्योग आणि कारनामे चालू असतात. त्यांच्या या खजुरिया गावात तुमचं स्वागत. कधी ही मुलं गावातल्या एखाद्या प्रथेच्या विरोधात प्रश्न विचारतात, कधी अरेरावी करणाऱ्या एखाद्याला वठणीवर आणतात, कधी फक्त नेहमीची कामं करतात. पण ही टोळी सतत काही ना काही करत असते. गावात आनंदानं भटकणाऱ्या, काहीतरी नवं शोधणाऱ्या आणि त्यातनं शिकत जाऊन शहाणं होणाऱ्या या टोळक्यात सामील व्हा आणि बघा कशी मजा येते. दसऱ्याचे दिवस जवळ आलेत आणि आता वेध लागले आहेत रामलीलेचे! गुरुजी दरवर्षी नवीन काहीतरी करतात. यावर्षी काय वेगळी गंमत घडते, बघा बरं वाचून.

कोट्टावी राजाला रात्री मुळीच झोप यायची नाही. दिवसा मात्र, त्याचे मंत्री जेव्हा काही कठीण समस्यांवर चर्चा करायचे, तेव्हा राजाला डुलक्या यायच्या. त्यानं सगळ्यांना यावरचा उपाय विचारला. मात्र कशाचाच उपयोग होईना. शेवटी एक दिवस… चला तर. कोट्टावी राजाच्या नगरीत जाऊन येऊ आणि पुढं काय घडलं पाहू.