ObiOne.io Beta

په دې قصه کښې ماشومانو خپل ټول کارونه په خپله کولو سبق ورکړی شوی دی- بخت نامه د خپلې مور سره هم ټول کارونه کوي- مور چي کله ډوډۍ پخه کړي نو بخت نامه ئې پر دسترخوان کښيږي- د خوراک نه پس هغه ټول لوخي راټول کړي او بيا ئې په منا کښې وينځي- تاسو خپلې مور سره په کار کښې مرسته کوئ؟

د يوي کوشنۍ پلوشې قصه، چي يوه مرغۍ په قفس کښي بنديوانه وي او بيا هم ښه د اَرام ژوند کوي د هغې هم په زړۀ کښي راشي چي کشکي هغه هم يوه مرغۍ وې- هغه په خپل خيال کښي يوه مرغۍ شي- خو ډېر زر ورته احساس وشي چي نه د مرغۍ د ژوند نه خو زما ژوند شه دی- پلوشه په قفس کښي بنديوانه مرغۍ اَزاده کړي او کۀ نه؟

شهروز يو ورانکاری ماشوم وي- هغه د خپلې کورنۍ سره د بڼ سېل له ولاړو- په لاره کښي يوه لښته راواخلي او بوټي پرې وهي- خور يې د ورانکارۍ نه منع کړي چي بوټي مه وهه دوي به خوږ شي- شهروز ورته وايي بوټي نه خوږېږي – خو په اخر کښي شهروز په خپلو ‌ډېر پېښمانه شي او د بوټو څخه بخښنه وغواړي- شهروز د بوټو وهلو نه څنګه منع شو؟

پټ پټانی شفا، خوشال او مانو له خپل نيکه سره پټ پټوڼې کوي- ټولو کوشنيان يو بل ولټول خو مانو چرته هم نه وه موږ هغه په هر کونج کښي ولټوله- شفا ته مور وائي چې مانو ډېره چالاکه ده- هغه د کور څخه باندي هم وځي هغه په داسې ځائ کښې پټيږي چې څوک ئې هم نه سي موندلې- مانو چرته پټه سوې وه؟

صابر د خپل کلي يو ډېر غريب سړی وي- هغه د خپلو بچو بنيادي ضرورتونه هم نه شي پوره کولې- اختر رانيزدې وي هغه ډېر پرېشانه وي چي خپلو بچو له به جامه پيزار څنګه اخلم- هغه په لاره روان وي ناڅاپه د هغۀ په پښو کښي يوه مرغۍ راپرېوځي چي ډېره ژوبل وي- هغۀ ته د مرغۍ په مدد کولو څۀ ملاؤشول؟

زروان او اتل دواړه ډېر خواږۀ دوستان وي- اتل زروان ته په ډالۍ کښې يو ښائسته ټېبلټ ورکړي- زروان ډېر خوشحاله شي- دواړه شپه او ورځ په هغې وېډيو ګېمز، کارټونان او قصۍ ګوري- هغوئ په تېبلټ کتلو کښې دومره بوښت شي چي ډوډۍ خوراک ترې هم هېر شي- د ټېبلټ په کتلو د زروان نه کوم شيان ډېر خفه شي؟

ور په کوم ځائ ولګوؤ د چُهټۍ ورځ وه- په چم ګاونډ کښي سحار ټول خلګ راټول سوي وو، د ټولو ږغونه په لوړېدو سول- د کوڅې په سر کښي ور لګول وو- خو په دې خبره د ټولو صلاح يوه نه وه چي ور په کوم لوري ولګوي- هر يو تن دا غوښتل چي د هغۀ خبره دې ومنل سي- په پائ کښي د ټولو صلاح يوه سوه او ور ئې ولګولو- ور ئې په کوم لوري ولګولو؟

رېحان ته په نوي ښوونځي کښي داخله ملاؤ سوه- خو هغه بيا هم ډېر غمجن ؤ ځکه چي د هغه په دې ښوونځي کښې يو ملګرے هم نه وي چي دې ور سره بازۍ وکړي- خو لږه موده وروسته هغۀ ته په دې ښوونځي کښي نوي ملګري ملاؤ سي- ريحان دوي سره بازۍ او د ښوونځي کار يو ځائ کوي- د هغۀ ټول ملګري د هغۀ په هر کار کښې ملاتړ کوي- نوؤ ملګرو رېحان سره ولي ملګرتيا وکړه؟

په موجوده حالاتو او واقعاتو باندې ليکلی شوی يو ښکلی نظم، په خبرو خبرو کښي کوشنيانو ته دا سبق ورکولی شوی دی چي هغوئ ته د کور نه بهر کومې ستونزې رامخې ته کېږي نو هغوئ له پکار دې چي خپل مور او پلار د داسي حالاتو او واقعاتو څخه اړو مړو خبروي-